ຂ່າວຕ່າງປະເທດ

ຣັດເຊຍ, ເບລາຣຸດ ແລະ ກາຊັກສະຖານເພີ່ມ
ທະວີການຮ່ວມມືການຄ້າ
, ການລົງທຶນ

ຕາມຂ່າວຕ່າງປະເທດ, ວັນທີ 19 ທັນວາ, ຫລັງຈາກກອງປະຊຸມສະຫະພັນເສດຖະກິດອາຊີ-ເອີຣົບ ທີ່ຈັດຂຶ້ນຢູ່ມົສກູ,
ທ່ານ ດີມີຕຣີ ແມັດເວເດັບ ປະທານາທິບໍດີຣັດເຊຍ, ທ່ານ ອາແລັກຊັງເດີ ລູກາເຊັນໂກ ປະທານາທິບໍດີເບລາຣຸດ ແລະ
ທ່ານ ເນີຊຸນ ຕານນາຢາບາເຢບ ປະທານາທິບໍດີກາຊັກສະຖານ ໄດ້ເຊັນສັນຍາຮ່ວມມືທີ່ພົວພັນເຖິງວຽກງານແລກປ່ຽນສິນ
ຄ້າ, ເງິນລົງທຶນ ແລະ ແຮງງານໃນຂອບເຂດສາມປະເທດນີ້. ຜູ້ນຳສາມທ່ານຣັດເຊຍ, ເບລາຣຸດ ແລະ ກາຊັກສະຖານຍັງ
ໄດ້ເຊັນສັນຍາຮ່ວມມືຂອງຄະນະກຳມະການເສດຖະກິດອາຊີ-ເອີຣົບ, ບັນດາການປ່ຽນແປງ ແລະ ເພີ່ມເຕີມໃຫ້ສົນທິສັນຍາ
ພົວພັນເຖິງພາສີອາກອນຕໍ່ສິນຄ້າໃນສະຫະພັນເສດຖະກິດອາຊີ-ເອີຣົບ, ຂໍ້ຕົກລົງເປັນເອກະພາບຕ້ານການຟອກເງິນ ແລະ
ສະກັດກັ້ນການສະຫນອງເງິນໃຫ້ແກ່ຂະບວນການກໍ່ການຮ້າຍ. ນາຍົກລັດຖະມົນຕີ 3 ປະເທດຍັງໄດ້ເປັນເອກະພາບເລືອກ
ເອົາທ່ານ ວິກຕໍຄຣິນ ເຕັນໂກ ລັດຖະມົນຕີການຄ້າຂອງສະຫະພັນຣັດເຊຍ, ອາຍຸ 54 ປີ, ເປັນປະທານຄະນະກຳມະການ
ເສດຖະກິດອາຊີ-ເອີຣົບ, ລວມມີສະມາຊິກ 800 ຄົນ, ມີອາຍຸການ 4 ປີ; ຜ່ານພາລະບົດບາດ ແລະ ຫນ້າທີ່ຂອງອົງການນີ້.

ທ່ານ ແມັດເວເດັບ ປະທານາທິບໍດີຣັດເຊຍຖືວ່າ: ການສ້າງຕັ້ງຄະນະກຳມະການ, ອົງການຮ່ວມມືລະຫວ່າງປະເທດທຳອິດ
ຂອງສະມາຄົມເສດຖະກິດອາຊີ-ເອີຣົບແມ່ນບາດກ້າວສຳຄັນຂອງສະຫະພັນເສດຖະກິດເອີຣົບ-ອາຊີ.

Leave a Reply.....

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s