ບໍລິສັດຂອງຣັດເຊຍວາງແຜນເປີດໂຮງແຮມໃນອາວາກາດ

ບໍລິສັດ​ແຫ່ງໜື່ງຂອງຣັດ​ເຊຍ ​ໄດ້​ອອກ​ມາລາ​ຍງານ​ວ່າ ຈະ​ສ້າງ​ໂຮງ​ແຮມ​ແຫ່ງໜຶ່ງຂຶ້ນ​ໃນ​ອາ​ວະ​ກາດຕາມ​ວົງ​ໂຄຈອນ​ທີ່​ຫ່າງ​ຈາກໜ່ວຍ​ໂລກ​ປະມານ 350 ກິ​ໂລ​ແມັດ ຊື່​ງ​ໂຮງ​ແຮ​ມນີ້ຈະ​ມີ 4 ຫ້ອງ ​ແລະ ສາມາດ​ບໍລິການ​ໃຫ້​ຜູ້​ພັກ​ເຊົາ​ໄດ້ 7 ຄົນ.

ລູກ​ຄ້າ​ທີ່​ຈະ​ໃຊ້​ບໍລິການ​ໂຮງ​ແຮມ​ນີ້ ຕ້ອງ​ໃຊ້​ເວລາ​ໂດຍສານ​ຈາກໜ່ວຍ​ໂລກ​ຂຶ້ນສູ່​ໂຮງ​ແຮມ 2 ວັນ ດ້ວຍ​ການ​ຂີ່​ຍົນ​ອາ​ວະ​ກາດ​ໄປ​ພ້ອມ​ມະນຸດ​ຍູ​ນຽນຂອງຣັດ​ເຊຍ ​ເມື່ອ​ເດີນທາງ​ເຖິງ​ໂຮງ​ແຮມ​ແລ້ວ ສາມາດ​ພັກ​ເຊົາ​ໄດ້ 5 ວັນ ຖ້າ​ຫາກ​ຕ້ອງການ​ທ່ຽວຊົມ​ທ້ອງຟ້າ​ອ້ອມໜ່ວຍ​ໂລກ ຕ້ອງ​ມີ​ກຳລັງ​ຊັບພຽງພໍ ​ເນຶ່ອງຈາກ​ຕ້ອງ​ໃຊ້​​ເງິນ​ປະມານ 9,42 ​ແສ​ນ​ໂດ​ລາ​ສະຫະລັດ ຊື່​ງ​ໃນ​ນັ້ນ​ໄດ້​ແຍກ​ອອກ​ເປັນ​ຄ່າ​ພັກ​ເຊົາ​ໂຮງ​ແຮມ 1,57 ​ແສນ​ໂດ​ລາ​ສະຫະລັດ ​ແລະ ຄ່າ​ເດີນທາງ 7,85 ​ແສນ​ໂດ​ລາ​ສະຫະລັດ.

​ໂຮງ​ແຮມ​ແຫ່ງ​ນີ້​ໄດ້​ມີ​ແຜນການ​ຈະ​ເປີດ​ບໍລິການ​ໃນ​ປີ 2016 ລູກ​ຄ້າ​ທີ່​ໃຊ້​ບໍລິການ​ຢູ່​​ໃນ​ໂຮງ​ແຮ​ມ ຈະ​ໄດ້​ບໍລິການ​ຮັບ​ປະທານ​ອາຫານຫຼາຍຢ່າງ ລວມທັງ​ອາຫານ​ຫວ່າງ ຊື່​ງອາຫານ​ທີ່​ຈະ​ຮັບ​ປະທານ​ໃນ​ໂຮງ​ແຮ​ມອາ​ວະ​ກາດ​ນີ້​ແມ່ນ​ໄດ້​ປຸງ​ແຕ່ງ​ກ່ອນ​ແລ້ວ ຈື່ງ​ນຳ​ຂຶ້ນ​ໄປ​ໃນ​ອາ​ວະ​ກາດ ​ໂດຍ​ຈະ​ໃຊ້​ເຕົາ​ໄມ​ໂຄ​ເວັບ​ພຶ່ອອຸ່ນ​ອາຫານ​ກ່ອນ​ຈະ​ນຳ​ມາ​ໃຫ້​ຮັບ​ປະທານ ນອກຈາກ​ນີ້ລູກ​ຄ້າ​ຍັງ​ສາ​ມາດ​ອາບນ້ຳ​ໄດ້ດ້ວຍ

By nounoy